Futbol Həyatdır - 5 Апреля 2010

Son günlərdə yaşanan və cəmiyyətin daxilində qarşılıqlı gərginliyə gətirib çıxaran və iç qarardan hadisələrdən bir müddətə qaçacağınız bir sığınacaq var indi:
Futboldur adı. .ƏzƏli rəqabət heç olmasa bir neçə günlüyünə, ən yandırıcı gündəmi belə təslim ala bilirsə, illərdir söylədiyimiz kimi tək bir səbəbi vardır..
Çünki Futbol Həyatdır..
Və yol göstərər öz rotasında, həyatın hətta siyasətin seyri səfərinə..
Tam yumrunun yaşıl sahədəki macərasıyla çox da maraqlanmayanların, bu Fənər-Cimbom,İnter-Xəzər açılam müddətindən öyrənəcəkləri çox şey vardır.
Diqqətlə baxsınlar bu əzəli rəqabətin şifrələrinə: Futbolun iddia edildiyi kimi kütlələrin gözlərini yumduğu deyil xəbərdar etdiyini, ayırdığını deyil, birləşdirdiyini görəcəklər.
Ən pis materialdan hazırlanmıs top, ən üstün texnologiyayla çıxarılmış silahlardan daha yaxşıdır..
Və bir üst şəxsiyyətin ifadəsidir futbol tərəfdarlığı.. Söz gəlişi mən Fənərbaxçalıyam.. Amma mənim futbol sahəsindəki ilk şəxsiyyətim tutduğum komanda ilə əlaqədar deyil. Üst şəxsiyyətim tərəfdarlığımdır..
Bu məzmunda, biz Qalatasaraylılar, Fənərbaxçalılar, Beşiktaşlılar,Xəzərlilər,İnterlilər və o biri tərəfdarlarla eyni qrupda iştirak edərik əslində..
Bir-birimizi anlarıq.. Bir-birimizə daha yaxınıq.. Davranış kodlarımız bir-birinə çox bənzər. Hansı komandanı tutduğumuz ikinci bir fakt, ikinci dərəcədə bir alt şəxsiyyətdir.
Əsl fərqliliyimiz, heç bir komandanı tutmayan və futbolla maraqlanmayanlarla aramızda olan dərin uçurumlardır. "Hansı komandanı tutursan?" Sualına aldığımız "Fənər, Cimbom" cavabı bizi hirsləndirməz əslində..

Amma, " mən komanda tutmuram, futbolla maraqlanmam" cavabı soyuq bir küləyin, dərmansız bir xəyal qırıqlığının səbəbi olar aramızda.. qəmli bir boşluqdur tanış olduğumuz.. Danışacaq, mübahisə, müzakirə edəcək, dalaşacak bir şey tapa bilməzsiniz..
Bu həftə sizin üçün yaxşı bir fürsət ey o biri cinahdakılar, yəni heç bir rəngin sevdasına və əslində həyata yapışa bilməyənlər.. Bu sizin üçün yaxşı bir fürsət.. Gəlin birləşin futbola tutqun olmanın və futbol vətəndaşlığının üst şəxsiyyətində..
Futbolu dirəkə, həyatı auta atmayın.. O ortaq şəxsiyyət kəşfini, cəbhədə yəni tribunada, amma qarşı komandanın tribunasında sınamışdım bir vaxtlar..
Əslində futbolun alt şəxsiyyəti, yəni bir sıra tərəfdarlığı qəribə bir şey. Lumpen sayıla biləcək bir tərəfdarla bir professorun ifadəsi eyni ölçüdə və müstəvidə görüşə bilir.
Tutduğunuz komandanın tribunalarında oturarkən, fikirləriylə inanclarıyla heç uyğunlaşmadığınız bir insanla qol qola girib qucaqlaşa bilirsiniz. Bu qədərlə qalsa yaxşı, qarşı tribunada eyni inanc, eyni iddia, eyni məqsədlər uğruna bəlkə birlikdə ölümə belə gedə biləcəyiniz insana, can yoldaşınıza da düşmən kəsilirsiniz sanki o 90 dəqiqədə..
Bura qədər olanları hər kəs bilir.. Amma ya yerlər dəyişsə? Bəli.. Mən bir dəfə yerimi dəyişdirdim..
Tərəfdarlığını deklare etmiş biri olaraq, bir deplasman matçında zəruri olaraq qarşı komandanın tribunasında, həm də ən atəşli tərəfdarların arasında oturdum. Narahatlığım keçib, bir müddət sonra vəziyyətimə alışınca, sağa sola baxınmaya başladım. yanı başımda, qulağımın dibində edilən danışmalara qulaq asdım.
Heyrət.. Az qala tək bir sözü belə fərqli deyildi.. Bu komandanın tərəfdarlarını, bizim komandanın tərəfdarlarından ayıran az qala tək bir xüsusi şərhə, xüsusi bir şüara, xüsusi bir mahnıya, xüsusi bir küfrə, xüsusi bir əl hərəkətinə rast gəlmək mümkün deyildi. Əslində, bir-birlərini nə qədər düşmən görsələr görsünlər birlikdə gedirdilər bu yollarda, birlikdə islanırdılar yağan yağışda.. Çünki üstlərinə yağan yağış və əsən külək, tribuna və tərəfdar ayırmırdı.
Onları ayırdığı sanılan şey, əslində onların ortaq məxrəci idi: Tərəfdar olmaq.. Neçə əsrdir, Neçə on ildir döyüşüb mübahisə edir insanlar bu torpaqların üzərində.. Bir müddət, yalnız bir müddətə qarşı tribunaya keçib deyilənlərə qulaq asılsa, hər şey kəşf ediləcək ayan bəyan..
Ayıran şüarlar və mahnılar birləşdirəcək ayrılanları.. Bizim gəncliyimizdə, kənar səmtlərdən stadiona qalxan mikroavtobusların müavinləri: " Matça matça" deyə qışqırardılar.. İndi də eləmi bilmirəm.. Amma, mikroavtobus qalxır işdə, tələsin.. Yetişin bazar günkü o böyük matça.. Və vaxt keçmədən görüşün futbolun üst şəxsiyyət tərəfdarlığında..

Sevdalanın FUTBOLA